frío -a

1. Parroquia baixo a advocación de san Xiao que dá nome ao concello de Friol.

2. adx

   1. Que ten unha temperatura inferior á ordinaria do ambiente ou do corpo humano. Na tradición oral recóllense ditos como: “ Ao gato escaldado, auga fría faille dano. Mans frías e corazón quente, namoro de repente. Mans quentes e corazón frío, amor perdido.”

      Ex: Sempre ten os pés fríos. Gústame sentir o vento frío na cara.

   2. Que non ten o grao de calor desexable.

      Ex: Este leite está demasiado frío.

   3. Que produce sensación de frialdade ou non conserva a calor.

      Ex: No inverno cambio as sábanas porque estas son máis frías.

   4. Que presenta un clima de baixas temperaturas. Na tradición oral recóllense ditos como: “Maio frío, moito trigo.”

      Ex: Nos países fríos soportan ben as baixas temperaturas.

   5. [CLIMAT]

      Clima no que a temperatura media do mes máis cálido é inferior aos 10°C. Identifícase coa letra E, segundo a clasificación de Köppen.

3. adx

   1. Que é pouco afectuoso.

      Ex: Foi unha nai fría que nunca aloumiñou os fillos.

   2. Que se mostra indiferente a estímulos e sensacións.

      Ex: É tan fría que resulta imposible saber o que sente.

   3. Que é propio da persoa fría.

      Ex: Escribiulle unha carta fría e impersoal.

   4. Que é pouco sensible aos estímulos sexuais.

   5. Que é impersoal ou carece de expresividade.

      Ex: Era unha casa fría e funcional. As cancións do seu segundo disco son máis frías ca as do primeiro.

4. adx [PINT]

   Aplícase aos tons de cor que van do verde, pasando polos azuis, ata o violeta.

5. s m Antónimos: calor.

   1. Temperatura atmosférica baixa. Na tradición oral recóllense ditos como: “Moitas estrelas a brillar, frío seco vai chegar”.

      Ex: Aquí no inverno vai moito frío.

      Antónimos: calor.

   2. Sensación de perda de calor producida por un ambiente ou corpo frío ou por causas psíquicas ou fisiolóxicas. Na tradición oral recóllense ditos como: “Cada un ten o frío como ten o vestido. Fame e frío entregan o home ao seu inimigo”.

      Ex: Como estou con gripe levo todo o día con frío.

   3. FRAS: A sangue frío. De maneira calculada, sen se deixar levar pola ira. Coller frío. Acatarrarse ou ter outra afección por causa do frío. En frío 1 Aplícase a aquilo que se fai despois dun tempo de ter sucedido algo. [FÍS/IND]

      Estado dun corpo, dunha substancia ou dun espacio que ten unha temperatura inferior á normal. A produción de frío conséguese por evacuación da calor do corpo que se quere arrefriar, mediante a refrixeración. O frío ten aplicación secundaria en case todos os tipos de industria, para a disipación da calor producida por reaccións, en procesos químicos, etc, e é fundamental na conservación de alimentos, na separación e condensación de gases, así como na obtención de osíxeno e nitróxeno do aire, na desalinización da auga de mar e noutro tipo de procesos.

Frases feitas

• A sangue frío. De maneira calculada, sen se deixar levar pola ira.

• En frío 1 Aplícase a aquilo que se fai despois dun tempo de ter sucedido algo. Ex: En frío xa non foi capaz de dicirlle todo o que tiña pensado.

• Ir un frío que pela/corta/manca/afeita en seco/treme a carqueixa/non hai quen pare/ non paran nin os cans/nin o demo para (por aí adiante). Ir moito frío.

• Non levar frío. Estar borracho.

• Quedar frío. Quedar sorprendido e sen saber qué facer ante unha sensación inesperada ou inusual.

• 2 Sen quentar, especialmente alimentos.

• Coller frío. Acatarrarse ou ter outra afección por causa do frío.

• Ter sangue frío. Desenvolverse con serenidade en situacións perigosas ou complicadas.

Refráns

• Ano da serra, non o traia Deus á terra.
• Ata o corenta de maio non quites o saio.
• Beber frío e xantar quente.
• Cada cal sente frío segundo trae o vestido.
• Frío coral, un mes antes; o outro, despois do Nadat.
• O frío de abril mata o porco no seu cubil.
• Para o pan engraiar ha de o boi tremar/o boi ha tremar.
• Quente, a comida; fría, a bebida.