Gómez Osorio, Xosé

Político e sindicalista. Despois de traballar como ebanista en Madrid, trasladouse a Vigo, onde se vinculou ao grupo de H. H. Botana e fundou o sindicato da compañía de ferrocarril Zamora-Ourense-Vigo. Redactor de Solidaridad e director do semanario El Obrero Ferroviario, foi presidente da casa do pobo de Vigo e da federación local de traballadores, antes de ser elixido deputado socialista por Pontevedra en 1931. Foi secretario-contador da UGT na Segunda República. Durante a Guerra Civil trasladouse a Madrid, onde traballou no Sindicato Nacional Ferroviario. Nomeado gobernador civil de Madrid (1938), foi detido polo exército nacional ao final da guerra e fusilado.

Cronoloxía