Gradaille, pazo de

Construción situada en Santa Cruz do Valadouro (O Valadouro). Consta de dous corpos principais, con capela pegada, e outros dous auxiliares anexos, nos que destaca a cheminea. Está rodeado dun muro agás na fachada NO. No lintel da porta destaca un escudo cuartelado con varios brasóns que alude, entre outros, aos Bolaño e aos Saavedra. Conserva outros escudos no muro e nas fachadas.