Himachal Pradesh

Estado federal de India (55.673 km2; 6.077.248 h [2001]). A súa capital é Simla. Situada na vertente occidental do Himalaia, é unha rexión moi montañosa. Os vales, drenados por afluentes do Indo (Chenāb, Satluj e Beās), son moi fértiles; neles concéntrase a poboación, que se dedica ás actividades agropecuarias (cultivo de trigo, cana de azucre, liño, tabaco e arroz e cría de gando ovino e caprino).