hurón
-
adx
Relativo ou pertencente aos huróns.
Sinónimos: wyandot. -
s
[ETN/HIST]
Individuo do pobo hurón.
Sinónimos: wyandot. -
s
m pl
[ETN/HIST]
Tribo indíxena norteamericana que habita nas reservas dos estados de Oklahoma, Ohio, Kansas e na provincia de Québec. Estendeuse orixinariamente pola beira esquerda do río San Lourenzo e a rexión dos Grandes Lagos. Organizábase nunha confederación, que se dividía territorialmente en comunidades fortificadas. Mantivo enfrontamentos coa liga iroquesa entre mediados do s XVI e mediados do s XVII, ao tempo que se produciron os primeiros establecementos de colonias francesas nos seus territorios, no lago San Lourenzo (1603) e Québec (1608). Derrotados polos iroqueses en 1643 estendéronse por Michigan, Wisconsin e Ohio. Enfrontáronse á expansión dos colonizadores europeos, pero foron derrotados e recluídos nas reservas.