illa

Superficie rodeada completamente polo mar ou por unha masa de auga continental. Poden ser volcánicas (cumios de edificios volcánicos) ou ter a súa orixe nas plataformas continentais, das que se desprenderon, ben por efecto da erosión-sedimentación ou por forzas tectónicas. As illas do litoral de Galicia teñen a súa orixe tanto en procesos erosivos como en movementos tectónicos.

Aquilo que por estar illado se asemella a unha illa.

Figura heráldica que se representa por unha montaña rodeada de ondas de azul e prata.

Fenómeno que consiste no incremento da temperatura no centro das áreas urbanas con respecto á que se rexistra na súa periferia, que se aprecia especialmente nas horas nocturnas e cando existen condicións atmosféricas estables. É resultado do desprendemento de calor propio da concentración e das actividades humanas (sistemas de calefacción ou acondicionamento do aire, circulación de vehículos automóbiles, iluminación ou actividades produtivas).