impureza

Calidade ou estado de impuro.

Substancia que, mesturada con outra substancia, deteriora algunha das súas calidades e a converte en impura. OBS: Adoita usarse en plural.

Calquera átomo trivalente ou pentavalente que, disposto convenientemente na estrutura cristalina dun semicondutor intrínseco (e, por tanto, tetravalente), o converte en extrínseco (p ou n, respectivamente).

Elemento, nun metal ou aliaxe, estraño á matriz metálica incluída nesta como átomo intersticial ou de substitución, ou ben en forma de fase dispersa.

Impureza da que se hai que liberar ritualmente se se pretende participar do culto sagrado. Pode ter a súa orixe en factores moi diversos, segundo os preceptos das distintas relixións: por contacto con obectos sagrados, fluídos corporais (seme, saliva ou sangue), cadáveres ou alimentos; por enfermidade (lepra e outras doenzas con manifestacións cutáneas); ou por certos procesos fisiolóxicos (a menstruación, o parto).