interferómetro

Aparato para producir interferencias. Entre os diversos tipos de interferómetros ópticos destaca o   denominado interferómetro de Michelson, no que un raio de luz inicial se divide, mediante un espello semiarxentado, en dous raios que se superpoñen despois de percorrer camiños ópticos diferentes, en direccións perpendiculares. Utilizáronse en experimentos importantes, sobre todo para facer medidas de precisión.