lava

Material fundido que xorde dos volcáns no momento da erupción e forma ríos que baixan polas súas vertentes. A temperatura da lava depende do contido de gases e da súa composición, pero oscila entre os 600°C e os 1.100°C. As lavas ácidas, ricas en sílice, son máis viscosas ca as lavas básicas. Ao arrefriarse, a lava fluída dá lugar a amontoamentos caóticos de bloques irregulares e puntiagudos, que constitúen a lava de bloques (aa en hawaiano e apalhraum en islandés). A lava viscosa, que se despraza lentamente, dá lugar a formas rugosas que constitúen a lava cordada (pahoehoe en hawaiano e helubraun en islandés). As lavas que se solidifican no mar forman uns esferoides en forma de coxín e denomínanse lavas almofadadas ou pillow-lavas. Finalmente, as lavas terciarias ou cuaternarias, consolidadas en condicións particulares de estancamento, dan lugar a estruturas prismáticas de cinco ou seis caras, en forma de columnas, que é a estrutura típica dos basaltos do altiplano de gran moi fino.