lenzo

(< lat lintĕu)

s m [TÉXT]
1. Tea de liño, cánabo ou algodón que se adoitaba tecer manualmente no tear, cunha anchura de 50 cm e unha lonxitude duns 8,5 m. Empregábase para confeccionar distintas pezas do traxe tradicional galego, ademais de facer sabas cortando a tea en tres anacos e coséndoos lateralmente.
2. Peza de tea deste tecido.
s m
1. [ARTE]
  Tea sobre a que se pinta, sobre todo a de liño ou algodón.
2. Cadro pintado sobre este tipo de tea.
s m [BÉL]
Extensión dunha muralla en liña recta, situada entre dous baluartes.
s m [ARQUIT]
Cada unha das fachadas e paredes dun edificio.
s m pl
Lados da artesa.
s m
Termo da xerga das palilleiras que corresponde á voz que designa a tea empregada para confeccionar a funda da almofada ou para resgardar o labor xa feito.

Palabras veciñas