Leovixildo

Antropónimo de orixe xermánica, que deriva posiblemente de Leuba ‘amado’ e gild ‘ter valor, valente’. Este nome medieval está probablemente na raíz de variantes como Novexildo, de onde proveñen os topónimos Novexil e Novoxil. Presenta a variante Novaxildo. Levaron este nome o rei visigodo Leovixildo e san Leovixildo (s IX). A súa festividade celébrase o 20 de agosto.