lugar

1. Cargo ou condición de lugartenente.

2. 1. s m

      Porción determinada do espacio.

      Ex: O meteorito caeu nalgún lugar do océano.

   2. lugar cerrado [DER]

      Expresión referida á limitación do dereito de establecemento de certas profesións en determinadas localidades.

   3. lugar sagrado [RELIX]

      Espacio vinculado á divindade que se destina a gardar as reliquias e serve de asilo aos perseguidos.

   4. lugar santo [RELIX]

      Cada un dos lugares de Palestina que foron escenario da predicación e Paixón de Xesús Cristo. Destacan O Calvario, o Santo Sepulcro e a horta de Xetsemaní.

   5. lugar xeométrico [MAT]

      Conxunto de puntos do plano ou do espazo que comparten as mesmas propiedades

3. s m

   Porción de espazo que lle corresponde a algo ou alguén

   Ex: Este non é o lugar no que debía estar colocado. O seu lugar de traballo é aquela mesa.

4. s m

   Sitio que algo ou alguén ocupa dentro dunha serie ou conxunto.

   Ex: Perdiches o teu lugar na fila. Cantará en cuarto lugar.

   Sinónimos: posición.
5. s m

   Circunstancia en que alguén se atopa.

   Ex: Non sei qué faría no teu lugar. Deixáchesnos en mal lugar ó non cumprir o que prometeras.

   Sinónimos: situación.

6. 1. Pequena entidade de poboación en que se divide unha parroquia rural.

   2. Casa e terras de cultivo que lle pertencen.

      Ex: O fillo que quede na casa herdará o lugar.

   3. s m

      Terras de cultivo próximas á casa.

      Ex: Ten botadas no lugar unhas cebolas e unhas leitugas.

      Confrontacións: eido, eirado, eixido.
7. lugar teolóxico [RELIX]

   Fonte de onde a teoloxía extrae os seus principios e argumentos.

Frases feitas

• Dar lugar a. Causar ou provocar algo. Ex: A súa presenza deu lugar a moitas protestas.

• Fóra de lugar. Non ser algo oportuno ou conveniente.

• Poñer/pór a alguén no seu lugar. Facer que alguén vexa a actitude ou situación que lle corresponde. Ex: Tiven que ir falar cos veciños e poñelos no seu lugar.

• Poñerse/pórse no lugar de. Supoñer a situación doutra persoa. Ex: Se te puxeses no meu lugar, entenderías por qué o fixen.

• Sen lugar a dúbidas. Sen que exista ningunha dúbida.

• Ter lugar. Ocorrer algo. Ex: A festa terá lugar na carballeira.

• En lugar de. En substitución de algo ou de alguén. Ex: Elixiume a min en lugar de a ti. En lugar de protestar é mellor que cales e traballes.