Luís Seoane, Fundación

Fundación sen ánimo de lucro creada en 1996, despois da firma dun protocolo entre o concello da Coruña e a viúva de Luís Seoane, en que esta cedeu á Fundación un conxunto do legado do artista formado por máis de douscentos óleos, a totalidade da obra gráfica, libros, documentos e obxectos persoais. Estivo presidida pola viúva de Seoane, Maruxa Fernández, ata a súa morte o 26 de marzo de 2003 e desde febreiro de 2004 por Silvia Longueira. O 9 de maio do 2003 abriu as súas portas no antigo cuartel de Macanaz.