marca

1. 1. s f

      Sinal que se lle fai a algo ou alguén para distinguilo doutros.

      Ex: Recoñeceralo perfectamente porque lle puxen unha marca.

   2. marca de canteiro [ARTE]

      Sinal que coloca o canteiro en cada unha das pedras labradas para diferenciar o seu labor.

2. [ECON]
   1. s f

      Distintivo externo particular e exclusivo que un fabricante pon nas súas mercadorías para garantir a súa procedencia.

      Ex: Esta marca de coches ten moito prestixo.

   2. s f

      Empresa que fabrica produtos de marca.

   3. marca rexistrada

      Signo ou nome representativo dunha fábrica inscrita no rexistro competente e que goza de representación legal.

3. s f

   Trazo ou conxunto de trazos que deixa algo ou alguén no lugar en que estivo.

   Ex: O lobo pasou por aquí porque aínda se ven as súas marcas na neve. Enfadouse porque lle deixou as marcas dos dedos no cristal.

4. s f

   Acción de marcar.

   Sinónimos: marcación.
5. s f

   1. Aquilo que permite recoñecer ou distinguir algo.

      Ex: As estrelas serviron de marca para guiarnos no camiño.

   2. [MAR]

      Punto fixo da costa que utilizan os mariñeiros como referencia para dirixir o rumbo da embarcación. As marcas poden ser naturais ou artificiais, e sitúanse especialmente nas entradas de ríos ou portos.

      Ex: O patrón do barco tomou como marca o cabo da Nave.

6. s f
   1. [HIST/DER]

      Sinal que se facía no Antigo Réxime a un delincuente como proba de reincidencia.

   2. Sinal que queda na pel de forma momentánea froito do contacto ou presión dunha cousa sobre ela.

      Ex: Esta pulseira quédame apretada e déixame marca.

   3. Cicatriz que deixa unha ferida.

      Ex: Quedáronlle marcas do accidente por toda a cara.

      Sinónimos: sinal.

   4. Impresión forte que quedou dun determinado suceso.

      Ex: Aquela muller deixou nel unha marca imborrable.

7. s f [TECNOL]

   Aparato que se emprega para marcar.

8. s f [HIST]

   Entidade xeográfica e político-militar fronteiriza. Este nome foi empregado polos analistas francos da primeira metade do s IX para designar os territorios fronteirizos do Imperio Carolinxio: a Marca Hispánica, a Marca de Bretaña, a Marca Saxona, a Marca Marítima e a de Sorabia, entre outras.

9. s f [LING]

   Característica fónica que expresa unha oposición correlativa de unidades funcionais. En galego, por exemplo, o fonema /b/ (sonoro) é marcado, e oponse ao correlativo /p/ (xordo), non marcado, , pola presenza na súa articulación da vibración das cordas vocais. A noción de marca en fonoloxía estendeuse tamén á morfoloxía, á sintaxe e á lexicoloxía.

10. [DEP]
    1. s f

       Resultado obtido nalgunhas competicións deportivas.

       Ex: O atleta mellorou a súa marca persoal.

    2. marca mínima

       Resultado mínimo que ten que acadar un deportista para poder participar en determinadas competicións deportivas e que debe estar fixado pola federación correspondente.

11. s f pl [DEP]

    Lugar marcado cun sinal onde se colocan os participantes dunha competición antes de que comece.

    Ex: Os atletas xa están situados nas marcas de saída.

Frases feitas

• 2 De calidade asegurada.

• De marca 1 De empresa comercial coñecida e con prestixio.

• Superar unha marca. Ser mellor ou superar a outro na realización dalgunha cousa, especialmente nunha proba deportiva.