Mezzogiorno

Termo político-económico que se refire a Italia meridional e insular e inclúe as rexións dos Abruzos, Molise, Campania, Calabria, Basilicata, Puglia e as illas de Sardeña e Sicilia (125.000 km2; 20.251.467 h [2001]). Caracterízase polo seu subdesenvolvemento e endebedamento a causa das condicións naturais, humanas e históricas. Malia os esforzos do estado, a renda per capita é baixa e ten unha forte corrente migratoria.