nazareno -na

(< topónimo Nazaret)

1. adx
  Relativo ou pertencente a Nazaret ou aos seus habitantes.
2. s
  Natural ou habitante de Nazaret.
s m [RELIX]
Nome co que tamén se coñece a Xesús de Nazaret. Nas imaxes represéntase con túnica morada e a coroa de espiñas.
[RELIX]
1. adx e s
  Que ou quen entre os hebreos, se consagraba a Iavé mediante un voto, temporal ou para toda a vida. Comprometíase a non tomar bebidas fermentadas, a non cortar o cabelo e a absterse das comidas impuras.
2. s
  Penitente que vai nas procesións de Semana Santa vestido cunha túnica morada e un carapucho.
[ARTE]
1. adx
  Relativo ou pertencente á escola nazarena.
2. s
  Seguidor da escola nazarena.
3. escola nazarena
  Escola de pintura romántica de orixe xermánica que se formou en Roma no segundo decenio do s XIX. Os seus membros aspiraban a conciliar o neoclasicismo paganizante cun renovado espírito cristián e buscaban a espiritualidade máis pura nos temas históricos. Os fundadores foron chamados nazarenos por instalarse nun convento abandonado e polo seu aspecto descoidado e con longas cabeleiras. Dos seus membros destacaron J. F. Overbeck, P. von Cornelius, Schnorr von Carolsfeld, A. Rethel e M. von Schwind. OBS: Tamén se denomina nazarenismo.

Palabras veciñas