obxectivo -va

Escoitar
obxectivo -va
Canto máis grande é a distancia focal dun obxectivo fotográfico, máis pequeno é o campo correspondente (enriba); sección dun autofoco (abaixo): trátase dun obxectivo de distancia focal variable regulada automaticamente por microprocesador; o circu

(< obxecto)

  1. adx

    Relativo ou pertencente ao obxecto.
  2. adx

    Que existe independentemente do suxeito.

    Ex: Foi un feito obxectivo.
  3. adx

    Que trata dos acontecementos con exactitude e con independencia de reflexións ou sentimentos persoais ou afectivos.

    Ex: Fixo unha análise obxectiva das cousas.

     Sinónimos: imparcial.
  4. s m

    Propósito ou finalidade que se pretende acadar.

    Ex: Un dos meus obxectivos é ter un bo traballo.

     Sinónimos: meta, obxecto.
  5. s m [BÉL]

    1. Punto sobre o que se dispara un proxectil.

    2. Punto ou zona cara á que se dirixe unha acción militar.
  6. [FÍS/IMAX]
    1. s m

      Sistema óptico converxente que se coloca no extremo dun instrumento óptico (microscopio, telescopio ou cámara fotográfica) do lado do obxecto, e que ten por misión formar unha imaxe real do obxecto. Esta imaxe obsérvase a través dun ocular ou ben recollida por unha pantalla ou unha emulsión fotográfica. O obxectivo está formado por un espello e unha lente ou un sistema de lentes. Nos telescopios utilízanse os obxectivos denominados dobretes acromáticos. Nos microscopios utilízanse os obxectivos de inmersión, co fin de aumentar a abertura numérica. Nas cámaras fotográficas adoitan ter un campo de 60°, coa excepción dos obxectivos grande angular, que é duns 120°, e dos teleobxectivos, que é duns 20°. Os obxectivos dos telémetros, dos binóculos e doutros instrumentos ópticos de campo reducido adoitan consistir en dúas lentes, unha delas é crown e a outra flint.
    2. obxectivo de focal longa

      Obxectivo dunha lonxitude focal sensiblemente maior ca a diagonal do formato que se está a empregar.
    3. obxectivo de focal variable

      Obxectivo que permite variar o campo segundo conveña, mediante un dispositivo manual ou electromecánico.OBS: Tamén se denomina zoom.
    4. obxectivo de lonxitude focal fixa

      Obxectivo cunha soa lonxitude focal, oposto ao zoom.
    5. obxectivo dobre

      Obxectivo que consta de elementos móbiles e que dá lugar a dúas lonxitudes focais.
    6. obxectivo lento

      Obxectivo que ten unha abertura máxima de pequeno tamaño.
    7. obxectivo rápido

      Obxectivo que ten unha abertura máxima de gran tamaño.

Palabras veciñas

obxectividade | obxectivismo | obxectivista | obxectivo -va | obxecto | obxector -ra | Ob’