operación

Aplicación do produto cartesiano de dous conxuntos noutro. As operacións en que os tres son o mesmo conxunto, como nas catro regras aritméticas, denomínanse operacións internas. As operacións en que o segundo e o terceiro conxunto son iguais, como na multiplicación dun vector por un escalar, denomínanse operacións externas.

Calquera das catro operacións, suma, resta, multiplicación ou división.

Operación entre dous elementos.

Calquera das operacións de adición, multiplicación, potenciación e derivación cando son consideradas en relación ás súas inversas respectivas, subtracción, división, radicación e integración.

Aplicación que permite obter, dado un resultado e un dos factores dunha operación, o outro factor de dita operación, como por exemplo a resta, que é a operación inversa da suma.

Conxunto de accións que levan a cabo diversas unidades militares para cumprir cunha finalidade determinada, de acordo cun plan establecido previamente.

Lugar desde o que se dirixen as operacións militares.

Incursión militar en terreo contrario efectuada como represalia por un mal recibido do inimigo.

Tempo en que se desenvolven un conxunto de operacións militares relacionadas entre elas de xeito que unhas son consecuencia ou antecedente das outras.

Conxunto de instrucións concretas para un período de operacións que inclúe as finalidades perseguidas polo mando, as misións das unidades e os termos que se deben cubrir.

Lugar onde se desenvolven os feitos militares.

Transacción económica, sexa de funcionamento xeral (operación bancaria) ou estritamente especulativa (operación bolsista). Fálase de operacións a termo cando se establece o acordo de facela efectiva, material e monetariamente, nunha data posterior, en previsión de posibles variacións de prezos.

Redución a cero do capital dunha sociedade para pasar simultaneamente a aumentalo coa emisión de novas accións que son subscritas polos antigos accionistas ou outros novos co obxecto primordial de sanear o patrimonio social.