operador -ra

Que ou quen opera.

cirurxián.

Técnico que se encarga de poñer en funcionamento e supervisar determinados aparatos.

Denominación xenérica que se aplica ao director de fotografía e ao cámara nunha produción cinematográfica.

Técnico que manipula un proxector (operador de cabina ou de proxección) ou que se encarga do control de son (operador de son) nunha proxección cinematográfica.

Persoa ao cargo do servizo telefónico manual, que ten as funcións de establecer as comunicacións, atender as chamadas dos abonados e poñer os abonados en comunicación.

Persoa a cargo dun sistema informático, coa misión de supervisar o encadeamento correcto das tarefas e preparar os diferentes periféricos. Comunícase normalmente por medio dunha consola.

Aplicación entre dous conxuntos de funcións.

Xene que encabeza a fila dos xenes estruturais na síntese dunha proteína. Mentres está inhibido por un represor, a actividade dos xenes estruturais está bloqueada, pero unha vez que o operador está libre, reemprende a síntese da proteína.