Ourense, palacio episcopal de

Construción situada en Ourense. Situado nun dos lados da Praza Maior, foi pretorio romano, palacio dos reis suevos e desde 1071 ata 1952, palacio episcopal. Desde entón converteuse en sé do Museo Arqueolóxico Provincial. Do antigo palacio románico queda a planta en forma de L e parte do claustro interior. Sufriu diversas modificacións nos s XIV (torre de Santa María) e XVI (cuartos e soportais). Foi declarado Ben de Interese Cultural en 1931 e en 1962, xa como sede do museo.