parir

1. v i

   Expulsar a femia o feto do útero despois de transcorrer o período de xestación. Na tradición oral recóllense ditos como: “Non hai mal que por ben non veña, morreume a sogra e pariume a vermella. Ou parir ou rebentar, non hai outro camiño por onde botar. Aínda non pariu a cabra e xa o cabrito mama”.

   Ex: Despois de cinco meses, a ovella pariu pola mañá cedo. A muller de Marcelo xa pariu.

2. v t

   Expulsar a femia o feto do útero despois de transcorrer o período de xestación.

   Ex: A vaca pariu dous xatos.

3. v t

   Dar orixe a algo.

   Ex: Pariu unha boa idea para a construción do novo anfiteatro. Ese autor pare as súas obras en pouco tempo.

Frases feitas

• A nai que o (me, te...) pariu! Expresión de rexeitamento, protesta ou admiración.

• Acabaramos de parir! Expresión que se usa cando por fin se resolve algo que estaba pendente desde había moito tempo.

• Coñecer a un coma se o parise. Coñecer moi ben a alguén.

• Poñer a parir. Criticar ou reprender duramente a alguén.

• Quen te pariu que te arrole/lamba! Expresión que se usa cando non se quere aturar a alguén.