pasivo -va
(< lat passīvu)
-
adx
-
Que non actúa ou non intervén.
Ex: Os dentes son órganos pasivos da cavidade bucal. É unha persoa moi pasiva.
-
Que non implica actividade ou intervención.
Ex: Asiste todos os días a clase de ximnasia pasiva para recuperarse. Mantivo unha actitude de non violencia e resistencia pasiva
-
-
adx
Que sofre a influencia dunha acción.
Ex: Os fumadores pasivos piden respecto nos lugares públicos.
-
[LING]
-
adx e s
f
Aplícase á oración en que o suxeito gramatical é o que recibe a acción do verbo. Esta construción corresponde, por transformación, a unha oración activa transitiva: o suxeito da oración activa converteuse, na pasiva, en axente introducido pola preposición por; o complemento obxecto da activa converteuse en suxeito paciente dun verbo formado polo auxiliar ser e mais o participio pasado do verbo transitivo. Por exemplo, á oración activa transitiva O camión tirou o sinal correspóndelle a oración pasiva O sinal foi tirado polo camión.
-
voz pasiva
Modalidade que presenta un verbo transitivo cando o suxeito gramatical denota a persoa ou cousa sobre a que recae a acción ou significación do verbo.
-
adx e s
f
-
adx
[FÍS]
Aplícase aos circuítos ou elementos que non conteñen ningunha fonte de enerxía.
-
s
m
[ECON]
Suma de todas as débedas que nun momento determinado ten pendentes unha empresa. A diferenza entre o valor do activo e o do pasivo dá lugar ao concepto de capital neto, ou simplemente neto, que cuantifica a situación patrimonial ou valor neto dunha empresa (activo menos pasivo, igual a neto).