paspallás

1. s m [ANIMAL/ORNIT]

   Nome común con que se coñece algunhas aves da familia dos fasiánidos, de entre 18 e 23 cm de lonxitude e de interese cinexético, como son os individuos pertencentes aos xéneros Coturnix, Colinus e Callipepla.

2. paspallás californiano [ANIMAL/ORNIT]

   Ave duns 23 cm de lonxitude, de plumaxe parda agrisada no dorso. Os machos teñen a cabeza de cor parda no curuto, branca por riba do ollo e negra por debaixo, ao igual ca o pescozo, e o peito azulado. A femia é de menor tamaño e case toda parda. Ambos teñen na cabeza unha pluma negra que sobresae cara a diante. De orixe norteamericana, foi introducida en Galicia como especie cinexética.

3. paspallás común [ANIMAL/ORNIT]

   Ave de 18 cm de lonxitude, de plumaxe acastañada con riscos, co ventre máis pálido, cunha mancha branca e moura na gorxa dos machos, ás aguzadas e cola curta. O seu voo é baixo e moi curto. Habita nos pastos, cultivos, etc, ata os 1.500 m de latitude, e aliméntase de sementes, caracois, vermes, etc. En España é fundamentalmente estival, ao igual que en Galicia, aínda que nalgunhas zonas está presente todo o ano. Considérase unha especie protexida e ten o status de vulnerable.

4. paspallás virxiniano [ANIMAL/ORNIT]

   Ave de 23 cm, de corpo robusto, cun peteiro moi forte e con forma de serra nos bordos cortantes das mandíbulas. É parda, pero máis clara polo ventre e cunha lista ocular negra rodeada de dúas listas brancas; a femia é igual ca o macho pero en vez de manchas brancas ten manchas de cor crema. De orixe americana, tamén foi introducida como especie cinexética en Galicia.

Formas incorrectas