paurópodo -da

Relativo ou pertencente aos paurópodos.

Artrópodo da clase dos paurópodos.

Clase de artrópodos, da superclase dos miriápodos, que presentan o corpo de pequeno tamaño, de 0,5 a 2 mm, dividido en 11 segmentos, dos que nove, do 2º ao 10º, presentan un par de patas. Na cabeza teñen dúas antenas bifurcadas, coas pezas bucais simples e febles, un par de mandíbulas non artelladas e un só par de maxilas máis ou menos fusionadas, e non teñen ollos. Son animais dioicos, coa abertura xenital entre as coxas do segundo par de patas. Carecen de aparato respiratorio e circulatorio diferenciado. Coñécense unhas 500 especies, que habitan en solos húmidos, entre as follas dos bosques de zonas temperadas e tropicais.