pegar

1. apigarado.

2. v t, i e pron

   apegar.

3. v t

   Realizar, levar a cabo ou facer sufrir a acción que indica o substantivo ao que acompaña.

   Ex: Pegou choutos e berros de alegría. Pegoulle o sono e foi para a cama. No medio da escena pegoulle a risa.

   Sinónimos: dar.
4. v t

   Dar un golpe determinado a alguén ou a algo.

   Ex: Pegoulle unha patada ao xoguete, e botouno lonxe.

5. v i

   Dar golpes a algo ou a alguén.

   Ex: Non se lles pode pegar aos animais.

   Sinónimos: bater, bourar, golpear, zoscar.
6. v i

   Bater unha cousa noutra, con máis ou menos violencia ou intensidade.

   Ex: Tropezou e pegou coa cabeza no chan. O sol pega con forza no torreiro da festa.

7. v i

   Harmonizar ou ir ben unha cousa con outra.

   Ex: Ese vestido non che pega cos zapatos.

   Sinónimos: acaer, aquecer. Confrontacións: sentar.
8. v i

   Causar impacto ou ter éxito unha determinada cousa.

   Ex: Esa canción está pegando forte.

9. v i

   Pasar as lapas ou o lume a algo próximo.

   Ex: O lume pegou na meda e xa non houbo quen o apagase.

Frases feitas

• Pegar a + infinitivo. Perífrase incoativa que indica o comezo dunha acción.

• Pegarlle lume a. Queimar algo. Ex: Pegoulle lume ás silveiras.

Refráns

• Quen primeiro pega, dúas veces pega.
• Se pega, ben e, se non pega, tamén.
• Se pega, que pague e, se non, que non pegue.