pelo

1. s m [ZOOL]

   1. Apéndice filiforme de materia córnea e orixe epidérmica que cobre a pel dos mamíferos, protexéndoa e evitando a perda de calor. Consta de raíz, intimamente adherida ao folículo piloso, e de talo ou corpo, de tamaño e cor variable dependendo da cantidade de pigmento que conteña. Ademais, a carón da raíz existen unhas glándulas sebáceas que lubrifican o pelo.

   2. Apéndice filiforme que presentan algúns animais á parte dos mamíferos.

2. s m

   1. Conxunto deses apéndices que cobren a cabeza dunha persoa.

      Ex: Cortou o pelo.

      Sinónimos: cabelo.

   2. Conxunto deses apéndices que recobren o corpo dun animal.

      Ex: Ten o coche cheo de pelos de can.

      Sinónimos: pelame, peluxe.
3. [BOT]
   1. s m

      Tricoma de forma fina e alongada, simple, ramificado ou asteriforme que pode ser unicelular e pluricelular. Presenta diversas funcións, como a protección contra a transpiración excesiva ou contra a insolación, e a secretora.

   2. pelo glandular

      Glándula epidérmica piliforme que está situada sobre a epiderme e cuxa función é fundamentalmente defensiva.

   3. pelo radical/absorbente

      Prolongación filiforme do rizoderma na zona pilífera da raíz, cuxa función é a de absorber auga e sales minerais en disolución.

   4. pelo urticante

      Formación unicelular alongada e rematada en punta que se atopa na epiderme dalgúns vexetais, como as estrugas e diversas plantas tropicais, e produce unha acción irritante na pel dos animais. No seu interior, e protexido por unha cápsula, atópase un líquido que contén histamina e acetilcolina, responsable da acción irritante.

4. s m [TÉXT]

   1. Fibra que se obtén do pelo de diversos animais. O máis apreciado industrialmente é o que procede de diversas razas de cabras, como o da cabra de angora, moher, ou da cabra kashmiresa, e tamén o dalgúns camélidos.

   2. Fibra que sobresae da superficie de certos tecidos.

5. s m

   Filamento dunha materia calquera que se asemella a un pelo.

   Ex: Ao pincel caíanlle todos os pelos.

6. pelo de lobo

   Planta herbácea perenne, carente de estolóns, de ata 60 cm de altura, que presenta os talos finos, as follas estreitas e as inflorescencias dispostas en panícula, de cor verde ou amarela. Florece entre xuño e xullo. É unha especie pioneira que aparece tras a queima dos bosques.

7. pelo de oso [PLANTA]

   Planta herbácea perenne, que presenta follas de cor verde no verán, amarelas no outono e no inverno, agrupadas coma nunha vasoira. Son propias das partes calcícolas da alta montaña ibérica (Pireneos e Sistema Ibérico) e magrebí.

8. pelo de rato [PROTISTA]

   fiúncho mariño.

Frases feitas

• 2 Sen axuda, protección ou acompañamento.

• A pelo 1 Montar alguén a cabalo sen sela ou calquera outro arreo.

• Botar bo pelo/pelo novo. Progresar en algo.

• Non ter pelos na lingua. Dicir o que se pensa.

• Lucirlle o pelo a alguén. Estar gordo.

• Non ter un pelo de parvo. Ser espelido.

• Por un pelo. Por pouco.

• Ser capaz de contarlle os pelos ao demo. Investigar algo con detalle.

• Ser de catro pelos. Ser mala persoa.

• Ser de pouco pelo. Ser pobre.

• Ser pelo de ovo. Ofenderse por calquera cousa.

• Suar a pelo. Suar moito.

• Ter pelos un asunto. Ter dificultades.

• Vir ao pelo. Vir a propósito.

Refráns

• Botar pelos ao mar, para non voltar.
• Crouco pelado faime un arado -Faino ti que eu non teño machado.
• Crouco pelado ¿quen te pelou que nin pelo cbe deixou e a cacbola en queixo trocou?
• Home de pelo no peito, borne de valor e feito.
• Home peludo, borne valente e forzudo.
• Non todo borne de pelo no peito ten que ser borne de feito e dereito.
• Para apartar ben os pelos abondan dous dedos;.
• Quen tiver remuíño na testa non irá comigo á festa.