pementa
(
-
s
f
[BOT/ALIM]
-
Froito da pementeira (Piper nigrum). A pementa negra é o froito con casca, que non está ben maduro e desecado, e a pementa branca, máis suave ca a negra, é o froito maduro, desecado e sen pericarpo.
-
Especia picante que se elabora a partir deste froito, que se emprega como condimento ou para adubar carnes e derivados.
-
-
pementa de auga
[PLANTA]
Planta herbácea anual, de 20 a 80 cm de alto, de gusto agre, con follas lanceoladas agudas, flores de cor rosada ou branca verdosa, agrupadas en espigas delgadas e de froitos nucleares trígonos, negros e brillantes. Crece nas ribeiras ou en lugares moi húmidos.
-
pementa do monte
[FUNGO]
Cogomelo da orde das agaricais, de carpóforo moi pequeno, de 1 a 3 cm de ancho, semicircular, coa marxe lixeiramente encurvada e enteira. A cutícula, en seco, é pilosa, as laminiñas son desiguais, relativamente anchas, de cor ocre, algo máis claras ca o sombreiro, adnatas ou algo decorrentes. O pé é excéntrico ou lateral, máis curto ca o diámetro do sombreiro, adelgazado na base e máis claro ca o sombreiro e ca as láminas. Vive sobre pólas caídas ou cepas. A súa inxestión provoca sensación de asfixia.