Peregrino/Peregrina

Antropónimo que ten a súa orixe no latín Peregrinus, ‘peregrino, estraño, estranxeiro’, derivado de peregre, ‘fóra da cidade, no campo, no estranxeiro’, composto de per, ‘por, a través de’, e de ager, ‘campo’. Así, peregrino sería ‘o que vai errante polos campos’. Presenta as variantes Peregrín e Pelegrín. A festividade da Virxe celébrase no concello de Paderne o 6 de xullo, en Pontevedra o 16 de agosto e nos demais lugares o segundo domingo de agosto. O santo, o 1 de maio.