pisar

1. v t

   1. Poñer os pés sobre algo, especialmente ao camiñar.

      Ex: Non pises os charcos.

   2. Poñer os pés sobre alguén ou algo facendo presión.

      Ex: Pisa o freo. Pisáronme os dedos. Pisoulle o xoguete sen querer.

   3. Esmagar algo co pé.

      Ex: Pisa ese cigarro e desfaino.

   4. Esmagar as uvas cos pés para sacarlles o mosto.

2. v t

   Ir ou entrar nun lugar.

   Ex: Non lle volvo pisar a casa ata que me pida perdón.

3. v t

   Botar o piso nunha casa.

4. v t

   Picar miúdo o toxo dedicado a forraxe.

5. v t

   Tratar a alguén con desprezo ou desconsideración.

   Ex: Debes impoñerte e non deixar que te pisen.

   Sinónimos: asoballar. Confrontacións: humillar.
6. v i

   Apoiar os pés no chan.

   Ex: Pisa con coidado non vaias esvarar.

Frases feitas

• Pisar firme. Desenvolverse con seguridade.

• Pisar ovos. Camiñar con precaución.