plana

Cara dunha folla de papel.

Páxina, especialmente a dunha revista ou xornal.

Conxunto de liñas compostas en tipografía que, despois de ser impresas, han de formar unha páxina.

Conxunto de xefes, oficiais, suboficiais, e tropa que, dentro dunha pequena unidade (rexemento ou batallón), auxilian directamente o xefe que ten o mando da unidade, e da que dependen directamente. Pode constituír unha unidade específica que se denomina compañía ou batería de plana maior.

Conxunto de dirixentes e cargos principais dun partido político ou dunha corporación ou organización.