poli-

Forma prefixada de orixe grega que se emprega na formación de palabras co significado de ‘moitos, varios’.

Prefixo que se emprega en química anteposto ao nome dun composto ou ión, para indicar a repetición deste un gran número de veces nunha estrutura de tipo polimérico.

Prefixo que se emprega en química anteposto a un nome ou afixo de clase funcional, que indica que un mesmo grupo funcional se repite dúas ou máis veces nunha mesma estrutura.