pombal

Lugar onde se crían e viven as pombas. É unha das construcións adxectivas propias dos pazos e tamén das casas reitorais. A maioría deles teñen planta circular pero tamén existen con planta cadrada, rectangular ou octogonal. En ocasións adoitan a forma de hórreo-pombal ou torre-pombal. Os tellados son cónicos e realizados en tella, lousa ou xisto. Os buracos para as pombas están protexidos do vento e son cadrados, rectangulares ou circulares. No interior aniñan as pombas.