Raiola

Xardín de infancia fundado en 1973 no Castiñeiriño en Santiago de Compostela por iniciativa do párroco Antón Gómez Vilasó. O centro escolar inclúe lugares de xogo no exterior e un bosque. Na súa liña educativa destaca o interese por asegurar o benestar dos nenos e nenas, por estimular o seu desenvolvemento máis alá dos simples coidados e polo uso normal da lingua galega (Premio Manuel Beiras 2001). Tivo sempre unha forte orientación pola equidade social, que se manifestou nun sistema de cotas económicas, determinadas polos ingresos das familias. O seu equipo de educadores está moi comprometido na súa xestión, levada pola xunta directiva da Asociación de Nais e Pais e que, desde 1979, é a súa titular.