retirar

(< re- + tirar)

v t
1. Apartar algo ou a alguén do lugar en que estaba.
  
  Ex: Retiraron o batallón das manobras. Retirou o pastel do forno.
  Sinónimos: quitar, sacar.
2. Facer que algo deixe de estar gardado ou depositado nun lugar.
  
  Ex: Retirou vinte euros do caixeiro automático. Retirou o coche que estaba mal estacionado.
v t
Facer que alguén deixe de prestar servizo activo nunha profesión ou nun cargo.

Ex: Retirárono antes de tempo.
v t
Privar a alguén de algo que lle pertencía.

Ex: Retiroulle a paga. O axente retiroume o pasaporte.
v t
Deixar de usar algo que non reúne as condicións necesarias.

Ex: É hora de que retires a túa moto.
v t
Deixar de dar aquilo que se expresa.

Ex: Retiroulle a fala.
v t
Declarar que non se mantén algo que se afirmou ou sostivo con anterioridade.

Ex: Quero que retires o que dixeches. Retirou as súas acusacións.
v pron
Apartarse dun lugar ou de algo.

Ex: Retirouse da estrada. Retirouse do seu lado.
v pron
Deixar de prestar servizo activo nunha profesión ou nun cargo.

Ex: Retirouse do exército moi novo.
v pron
Recollerse a descansar.

Ex: Retirouse á noitiña. Retirouse ao seu cuarto.
v pron
Ir vivir a un lugar afastado e tranquilo, apartándose do trato coa xente.

Ex: Aos trinta anos retirouse a un mosteiro.
v pron
Apartarse dunha competición deportiva antes de que remate.

Ex: Retirouse do partido na primeira parte.
v pron
Retroceder un exército.

Ex: Retiráronse antes da batalla.

Palabras veciñas