Ribas de Miño, San Vitoiro de
Ribas de Miño, San Vitoiro de
Antigo mosteiro situado en San Vitoiro de Ribas de Miño (O Saviñao). Segundo un privilexio de 941 do Rei Ramiro II, foi fundado polo abade Veremundo Páez. A igrexa converteuse en parroquial e conserva a integridade da obra románica agás a sancristía, anexada no lado sur do presbiterio, e a espadana. Datada no s XII, ten nave e ábsida rectangulares e na fachada principal destaca a porta con tres arquivoltas en arco de medio punto, ademais de tres pares de columnas con capiteis decorados con motivos vexetais e tímpano liso. A porta do muro norte tamén presenta arco de medio punto e dúas arquivoltas, con capiteis decorados.