rodaballo

Peixe da orde dos pleuronectiformes, que pode acadar os 100 cm de lonxitude, aínda que o tamaño medio sexa entre 30 e 50 cm. Presenta un corpo de contorno case circular, os ollos no lado esquerdo, pel sen escamas pero provisto de formacións óseas dérmicas na parte superior, case sen pedúnculo caudal. É castaño agrisado ou verdoso, terroso ou amarelado, con puntos amarelos escuros. Os exemplares xuvenís aliméntanse de moluscos e crustáceos e os adultos de peixes. Habita os fondos areosos do Mediterráneo, do Mar Negro e do Atlántico sur.