rotativa

Aplícase á máquina de imprimir que se emprega na tiraxe de xornais e revistas, e que está formada por tantos corpos ou unidades impresoras coma pregos ha de ter o xornal ou a revista e, eventualmente, polos corpos e tintas que serán utilizadas. Aliméntase, xeralmente, con bobinas de papel continuo e con pregos. As rotativas, que imprimen simultaneamente as dúas caras do papel, teñen montadas en liña unha ou máis pregadoras que cortan o papel e o pregan.