rozar

1. v t

   1. Cortar mato ou toxo nun terreo.

      Ex: Rozaron o parque forestal polo concerto do sábado. OBS: Nalgunhas construcións omítese o complemento e adquire valor absoluto. Ex: O meu irmán rozou toda a maña.

      Sinónimos: desbravar.

   2. Limpar o monte ou as terras para despois sementalas.

      Ex: Rozaremos a leira cando haxa que botar o cebolo.

2. v t

   1. Tocar ou raspar lixeiramente unha cousa con outra.

      Ex: Tenta que non roce a mesa coa parede. OBS: Emprégase tamén coa preposición en. Ex: A defensa do coche roza na rampla do garaxe.

   2. Rascar a superficie de algo.

      Ex: As teas duras rózanme a pel.

3. v t

   Abrir un suco na parede para pasar un cabo ou tubo.

   Ex: O albanel rozaba a parede cando caeu do andamio.

4. v pron

   Relacionarse, positiva ou negativamente, as persoas entre si.

   Ex: Case non me rozo cos meus veciños.

Frases feitas

• Pasar rozando. Pasar moi cerca ou case tocando.