Sturdza

Liñaxe de boiardos moldavos que tivo un papel importante na vida política e cultural romanesa dos ss XIX e XX. Dos seus membros, documentados no s XV, destacaron Ior Sandu Sturdza (?-1842), que foi hospodar de Moldavia, co nome de Xoán (1822-1828); Mihail Sturdza (Iaşi 1795-París 1884) hospodar de Moldavia, co nome de Miguel (1834-1849); e Dimitri Alexandru Sturdza (Miclăuseni 1833-Bucarest 1914) foi ministro de Obras Públicas, de Finanzas, de Asuntos Estranxeiros e de Instrución, e cinco veces xefe do goberno entre 1895 e 1909.