tití

Primate que pertence ás familias dos calitrícidos e dos cébidos. O seu tamaño pode ir desde os 18 ata os 40 cm. Son animais con moito pelo, algúns con bigote, outros con moito colorido e todos son moi activos. Teñen a mandíbula inferior en forma de V, os incisivos máis longos ca os canteiros, o primeiro dedo nas extremidades posteriores ten uña e está lixeiramente oposto, no resto dos dedos presenta pezuñas; e non posúen cola prénsil. Aliméntanse de froitas, follas, flores, néctar, zume das árbores, de invertebrados e pequenos vertebrados. Viven nas ramas en grupos familiares de ata corenta individuos. Son de hábitos diúrnos, arborícolas e de distribución exclusivamente tropical, pódense atopar desde o nivel do mar ata os 1.500 m de altitude. Habitan desde Costa Rica ata o S de Brasil, Bolivia e Paraguay.