titanoterio -ria

Relativo ou pertencente aos titanoterios.

Mamífero do grupo dos titanoterios.

Grupo de mamíferos perisodáctilos primitivos que tiveron a súa máxima importancia durante o Eoceno e o Oligoceno. Tiñan as patas curtas, con catro dedos nas de diante e tres dedos nas de atrás, un par de cornos bastante grandes na parte frontal do cranio e o cerebro moi pequeno. As formas máis grandes chegaron a ter 2,5 m de altura.