uranoscópido -da

Relativo ou pertencente aos uranoscópidos.

Peixe da familia dos uranoscópidos.

Familia dos peixes teleósteos, da orde dos perciformes, de dimensións medianas, cabeza grande e cúbica, boca cortada oblicuamente e aberta, polo tanto, cara a arriba, os ollos totalmente dorsais, con dúas aletas dorsais pelvianas en posición xugular e a caudal non escotada, o opérculo provisto de fortes e agudas espiñas que comunican con glándulas velenosas capaces de producir feridas dolorosas -incluso a morte ao home-, e órganos eléctricos detrás dos ollos que poden emitir descargas de ata 50 volt.