ver

1. v t

   Percibir a imaxe dun obxecto a través do sentido da vista.

   Ex: Desde aquí vexo o teu vehículo.

2. v t

   Facer unha visita.

   Ex: Fun ver a miña avoa.

3. v t

   Quedar con alguén.

   Ex: Ve os amigos todos os sábados.

4. v t

   Considerar ou xulgar algo ou a alguén.

   Ex: Eu vexo ben que o fagamos así.

5. v t

   Ser testemuña dun feito.

   Ex: Esta vila viuno nacer.

6. v t

   Acudir os xuíces á discusión oral dun preito ou causa que teñen que sentenciar.

   Ex: Contra o caso verán recurso na audiencia de Pontevedra.

7. v i

   Recibir imaxes polo sentido da vista.

   Ex: Cada vez vexo menos sen lentes.

8. v pron

   Atoparse alguén nunha situación determinada.

   Ex: Entón viuse encerrado.

9. v pron

   Reunirse dúas ou máis persoas.

   Ex: Vémonos os xoves ao saír do traballo.

10. v pron

    Sentirse ou verse nunha situación que se expresa.

    Ex: Véxome perdido.

Frases feitas

• Ao meu (noso, voso, etc) ver. Segundo o meu (noso, voso, etc) parecer ou opinión.

• Estar a velas vir. Estar sen facer nada ou vendo o que pasa pero sen intervir.

• Estar ben/mal visto. Ter boa ou mala reputación.

• Facerse ver. Chamar a atención.

• Non poder ver (a alguén ou algo)/Non se poder ver. Non aturar a alguén ou algo, ou non aturarse.

• Polo visto. Parece ser.