virxe

1. adx e s

   Que ou quen non tivo relacións sexuais.

2. 1. adx

      Que conserva a súa integridade e pureza orixinal.

   2. adx

      Aplícase ás substancias en estado natural antes da súa purificación ou elaboración.

   3. adx [TECNOL]

      Aplícase ao soporte magnético, como cinta, disquete ou CD, que non contén información e que está dispoñible para a gravación.

   4. aceite de oliva virxe [ALIM]

      Aplícase ao aceite de oliva extraído por procedementos mecánicos en frío, sen máis manipulación ca a clarificación mecánica.

3. adx

   Que está intacto, inexplorado ou non cultivado.

4. s f [RELIX]

   1. María, a nai de Deus. OBS: Nesta acepción escríbese en maiúscula.

   2. Santa que a Igrexa distingue entre os santos polo feito de gardar a castidade.

   3. Muller que se consagrou ao servizo de Deus e renunciou ao matrimonio.

Formas incorrectas