volver

1. v t

   Facer xirar algo cambiándoo de posición.

   Ex: Volveu a cabeza bruscamente.

2. v t

   Poñer algo do revés.

   Ex: Volveu a colcha porque estaba sucia.

3. v t

   Facer que algo ou alguén pase de ser dunha maneira a outra diferente.

   Ex: A vida que levou volveuno rosmón.

4. v t

   Facer que algo ou alguén mude a outra cousa diferente.

   Ex: O mago volveu o pano en pomba.

5. v t

   Facer ou ocorrer algo outra vez.

   Ex: Volveu contar o conto de sempre.

6. v t

   Devolver algo a alguén

   Ex: Xa lle volveu o libro.

7. v i

   Retornar a un lugar onde xa se estivo ou de onde se partiu.

   Ex: Volvimos á casa despois da camiñada.

8. v pron

   Oporse a alguén.

   Ex: Os fillos volvéronse contra o pai.

9. v pron

   Alterarse algo ou alguén de maneira progresiva pasando a ser doutro xeito.

   Ex: Volveuse un durmiñón.

Frases feitas

• Volver + infinitivo. Perífrase que indica a repetición da acción expresada polo infinitivo.

• Volver en si. Recuperar a consciencia despois dun desmaio.

• Volver por. Defender algo ou a alguén.