xemación

Tipo de reprodución asexual, frecuente en protozoos e moitos invertebrados. Nos animais unicelulares consiste nunha división mitótica na que unha das partes forma unha protuberancia na superficie celular que posteriormente se desprende xunto cunha porción de citoplasma e a membrana que o recubre, e dá lugar a un individuo de menor tamaño. Nos animais pluricelulares a xema está formada por un grupo de células que, desprendidas ou non do corpo, forman un novo individuo.

Proceso de formación de xemas.