fogo

1. 1. s m

      Desprendemento de calor e luz producido pola combustión dun corpo.

      Confrontacións: lume.
   2. fogo fatuo

      Chama errática que se produce a rentes da terra, especialmente nos cemiterios, pola combustión dos gases producidos polas substancias orgánicas en descomposición.

2. [BÉL]
   1. s m

      Detonación feita cunha arma de fogo.

   2. interx

      Voz de mando para que a tropa dispare.

   3. ¡alto o fogo!

      Voz de mando que indica o cese das hostilidades.

   4. facer fogo

      Disparar un arma.

   5. plan de fogos

      Conxunto de disposicións adoptadas por unha unidade de combate para conseguir o máximo rendemento.

3. 1. s m

      Artificio de pólvora.

      Sinónimos: foguete.
   2. s m pl

      Composición pirotécnica de foguetes e outros artificios de pólvora de efectos luminosos e sonoros, que se lanza ao aire, normalmente como diversión, co fin de producir unha grande espectacularidade; ou ben se empregan para facer sinais, pedir axuda ou como foguetes de iluminación. Tamén se coñece co nome de fogos artificiais ou de artificio.

   3. fogo grego [HIST]

      Composición incendiaria formada por unha substancia inflamable composta probablemente de salitre, fósforo e cal que se queimaba de forma espontánea en contacto coa auga.

4. fogo cruzado [MED]

   Aplicación do tratamento radioterápico para que haxa diferentes focos que converxan no lugar da doenza, pero que penetren por diferentes puntos da pel para diminuír o risco de queimala.

5. fogo de san Telmo [METEOR]

   Meteoro ígneo que se observa ás veces na parte superior de obxectos bicudos en noites de tempestade. Aparece en, forma de pequenas chamas azuladas e brillantes, especialmente nos paos e nas velas das embarcacións.

6. teoría do fogo central [XEOL]

   Teoría que establece que o centro da Terra está formado por materiais en estado de fusión que saen ao exterior a través de fisuras da codia terrestre. Esta teoría, xa abandonada, semellaba que podía basearse no gradiente xeotérmico (aumento de 1°C cada 30 m); sen embargo, este aumento non é constante senón que se estabiliza e, ademais, depende dos materiais que forman unha rexión determinada.

Frases feitas

• Estar entre dous fogos. Encontrarse nunha situación comprometida.

• Fogo de san

• Fogo ardente/de santo Antón. Erupción cutánea que produce comechón.

• Lázaro. Herpes.

Refráns

• Fogo fai cociña, que non moza garrida.
• Non entres no meu fogo e non verás o que eu gozo.
• ¡Miña easiña, meu lar! ¡Cantas onciñas de ouro me vals!