Forno dos Mouros ou Anta da Moruxosa

Anta de corredor situada na Moruxosa (Toques), no alto da Serra do Bocelo. Presenta unha cámara poligonal constituída por sete ortostatos, asentados verticalmente e cubertos por unha lousa de dimensións medias, e un corredor que non presenta cuberta e do que só se conservan dúas lousas. No seu interior apareceron restos de pintura vermella e negra sobre fondo branco que representa zigzags.