foso

(< ital fosso)

1. s m
  Escavación feita na terra máis ou menos longa.
  
  Ex: Cavaron un foso para meter os canos da auga.
  Sinónimos: foxa, fosa.
2. s m [BÉL]
  Escavación longa e larga construída ao redor dunha fortaleza ou dun castelo. Presente nas fortificacións dende a Idade Media, coa aparición da artillería e a redución na altura das murallas para resistir mellor os seus ataques incrementouse o seu tamaño. Contaba cunha sección rectangular ou trapezoidal e con frecuencia enchíase de auga para dificultar o paso. Dende o s XVII as defensas incrementáronse e comezaron a construírse contrafosos e outros elementos defensivos. A partir da Primeira Guerra Mundial a súa utilidade limitouse a dificultar o paso dos carros de combate, mentres que os aramados o substituíron como elementos de fortificación.
  Sinónimos: foxo.
3. s m
  Cavidade que hai nos garaxes e sobre o que se colocan os automóbiles para realizar unha reparación.
  
  Ex: O mecánico puxo o coche no foso para lle cambiar o aceite.
4. foso de ascensor
  Escavación que permite instalar a parte baixa da cabina do ascensor.
s m [ESPECT]
Espacio situado debaixo do escenario ou, nalgúns casos, espacio habilitado entre o escenario e o patio de butacas no que se coloca a orquestra, especialmente nas óperas.
s m
Lugar con area no que caen os atletas ao facer o salto de lonxitude.

Ex: Na area do foso quedou o sinal da marca do atleta.

Palabras veciñas