fosa

Cavidade fonda que se escava na terra.

Cavidade que se fai na terra para enterrar os mortos.

Lugar que se utiliza para enterrar os mortos que non teñen nicho ou terreo de seu.

Fosa pequena situada baixo terra que serve como déposito das augas fecais para que fermenten e se convertan en líquido antes de chegar ao pozo negro ou ao sumidoiro.

Cavidade do corpo dun animal que ten unha entrada máis ampla ca o fondo da mesma.

Cada unha das dúas cavidades anfractuosas situadas baixo o cranio e enriba da cavidade bucal, da que se separa polo padal. As dúas fosas nasais están separadas por unha parede formada polo vómer e o esfenoide. Por diante comunícanse co exterior por medio do orificio nasal anterior e por detrás ábrense na gran escavación faringobucal.

Expansión da uretra no glande.

Cada unha das dúas cavidades que se sitúan a un lado das fosas nasais e nas que se atopan os ollos.

Depresión que teñen algúns ósos na súa superficie.

Gran depresión triangular na cara externa do íleo na que se insiren os músculos glúteos e o recto anterior.

Depresión ampla, triangular, pouco profunda e lisa situada na cara superior interna do óso ilíaco. Forma as paredes da escavación superior da pelve.

Depresión ou afundimento, especialmente de gran profundidade.

Cavidade máis profunda dos fondos mariños. Caracterízanse por ser longas, estreitas e limitadas por marxes abruptas. Aparecen situadas á beira dos grandes relevos ou das illas e forman parte dunha zona moi inestable da superficie da terra que é moi propicia aos terremotos e á actividade volcánica. As fosas do Océano Pacífico son as máis profundas: as das Marianas acadan 11.000 m e as fosas de Kuriles-Kamtxatka, das Filipinas e de Kermadec-Tonga poden superar os 9.000 m ou 10.000 m. Non obstante , as fosas doutros océanos non alcanzan tanta profundidade.

Depresión alongada da codia terrestre, afundida respecto aos bloques laterais entre os que está situada pola acción das fallas que a limitan. Entre estas fosas tectónicas destacan o Val do Rin, entre os Vosgos e a Selva Negra, e a Depresión Prelitoral catalá e a Sardeña, que se atopan no Pireneo.